தமிழ் சினிமாவில் தவிர்க்க முடியாத நடிகராக வலம்வந்து கொண்டிருப்பவர் நடிகர் விஜய் சேதுபதி. இவர் நடிப்பில் வருகிற பொங்கல் பண்டிகையை ஒட்டி 13ம் தேதி மாஸ்டர் திரைப்படம் வெளியாக உள்ளது .இந்த படத்தை இயக்குனர் லோகேஷ் கனகராஜ் இயக்கியுள்ளார். கதாநாயகனாக தளபதி விஜய் நடித்துள்ள இந்த படம் மிகுந்த எதிர்பார்ப்புடன் காத்துக் கொண்டிருக்கின்றது. இப்படி இருக்கும் நிலையில் நடிகர் விஜய் சேதுபதி தனது மகளையும் சினிமாவிற்கு அழைத்து வருகின்றார். ஏற்கனவே விஜய் சேதுபதி அவருடைய மகனை சிந்துபாத் என்கிற படத்தின் மூலம் அறிமுகம் செய்திருந்தார்.இந்த படத்தில் இருவரும் நடித்திருந்தனர் என்பது குறிப்பிடத்தக்கது .
தற்போது விஜய் சேதுபதியும் நடிகை ரெஜினா கசாண்ட்ராவும் இணைந்து முகில் என்கிற படத்தில் நடித்து வருகின்றனர். இந்த படத்தில் தான் விஜய் சேதுபதி மகளான ஸ்ரீஜாவை குழந்தை நட்சத்திரமாக அறிமுகம் செய்ய இருக்கின்றார்.ஏற்கனவே தனது மகனை சினிமாவில் அறிமுகம் செய்த விஜய் சேதுபதி தற்போது அவருடைய மகளையும் சினிமாவிற்கு அறிமுகம் செய்ய உள்ளார். இதனால் விஜய் சேதுபதியின் ரசிகர்கள் அனைவரும் தற்போது மிகுந்த மகிழ்ச்சியில் உள்ளனர்.அதுமட்டுமில்லாமல் விஜய் சேதுபதி மகள் இந்த படத்தில் நடித்துள்ள செய்தி தற்போது சமூக வலைத்தளங்களில் காட்டுத்தீ போல பரவி வருகின்றது. அதுபோக பிரபலங்களும் ரசிகர்களும் வாழ்த்துக்கள் குவித்து வருகின்றனர். எது எப்படியோ தற்போது விஜய்சேதுபதி இந்த படத்தை விரைவில் திரைக்கு கொண்டு வர திட்டமிட்டு உள்ளதாக தகவல்கள் வெளியாகியுள்ளது
