தளபதி விஜய் நடிப்பில் இயக்குனர் லோகேஷ் கனகராஜ் இயக்கத்தில் திரைப்படம் தான் மாஸ்டர். இந்த படம் வருகிற 13-ஆம் தேதி திரையரங்குகளில் வெளியாக உள்ளது. அதனை தொடர்ந்து தளபதி விஜய் சன் பிக்சர்ஸ் தயாரிப்பில் இயக்குனர் நெல்சன் டிலிப்குமர் இயக்கத்தில் நடிக்க உள்ளார். இயக்குனர் நெல்சன் டிலிப்குமார் இதற்கு முன்பு கோலமாவு கோகிலா மற்றும் டாக்டர் ஆகிய படத்தை இயக்கி உள்ளார். இந்தப்படத்தின் அதிகாரப்பூர்வ அறிவிப்பு வீடியோ சமீபத்தில் சன் பிக்சர்ஸ் நிறுவனம் வெளியிட்டது.
நெல்சன் திலிப் குமார் இயக்கிய டாக்டர் படத்தின் இறுதிகட்ட படப்பிடிப்பு முடிந்துவிட்டதாம். அடுத்ததாக தளபதி 65 படத்திற்கான கதை தயாரிப்பில் விறுவிறுப்பாக ஈடுபட்டு வருவதாக தகவல்கள் வெளியாகி உள்ளது. இந்த நிலையில் தளபதி விஜய் டாக்டர் படத்தை பார்த்துவிட்டு அதில் நெல்சன் டிலிப்குமரை பாராட்டியதாக தற்போது செய்திகள் வெளியாகியுள்ளது.இன்னும் படமே வெளியாகவில்லை அதற்குள் எப்படி பார்த்திருப்பார்? என்று கேள்விகள் எழுப்ப வேண்டாம் .
முழுவதுமாக எடிட் செய்யப்பட்ட டாக்டர் படத்தின் நகல் காப்பியை தளபதி விஜய் பார்த்துள்ளார் .ஆம் அந்த படத்தை பார்த்த உடனே விஜய்க்கு மிகவும் பிடித்துவிட்டதாம். மேலும் படம் சூப்பர் எனவும் நெல்சனிடம் தனது கருத்தை தெரிவித்துள்ளார். உடனே சந்தோசத்தில் குதித்து நெல்சன் சிவகார்த்திகேயனிடம் போன் அடித்து கூறியுள்ளார். வரும் பொங்கலுக்கு சிவகார்த்திகேயனின் டாக்டர் பட டீசர் வெளி வர அதிக வாய்ப்பு இருப்பதாக தகவல்கள் வெளியாகி உள்ளது. அதனை தொடர்ந்து டாக்டர் படம் கோடை விடுமுறைக்கு வெளியாகும் என்றும் சிவகார்த்திகேயன் ரசிகர்கள் மத்தியில் எதிர்பார்க்கப்படுகின்றது
