பிசிசிஐ தலைவர் சவுரவ் கங்குலி-க்கு கடந்த சனிக்கிழமை திடீர் நெஞ்சுவலி ஏற்பட்டு மருத்துவமனையில் அனுமதிக்கப்பட்டுள்ளார். இந்த நிலையில் சவுரவ் கங்குலிக்கு மிகவும் நெருக்கமானவரும், மார்க்சிஸ்ட் கம்யூனிஸ்ட் கட்சியின் மூத்த தலைவருமான அசோக் பட்டாச்சார்யா மருத்துவமனைக்குச் சென்று கங்குலியை நலம் விசாரித்தார். பின்னர் அவர் அளித்த பேட்டியில், “கங்குலியை அரசியலில் சேரக் கூறி சிலர் அவருக்கு அதிகமான அழுத்தம் கொடுத்துள்ளார்கள். அரசியல் ரீதியாக கங்குலியைப் பயன்படுத்திக் கொள்ள அவர்கள் விரும்புகிறார்கள்.
இது கங்குலிக்குப் பெரும் அழுத்தத்தை ஏற்படுத்தி இருக்கலாம். கங்குலி அரசியலில் ஈடுபடுபவர் அல்ல. கங்குலியை விளையாட்டு வீரராகத்தான் அறியப்பட வேண்டும். கடந்த வாரம் கங்குலி என்னிடம் பேசியபோதுகூட நான் அவரிடம், அரசியலுக்கு வராதீர்கள் எனத் தெரிவித்தேன். என் கருத்துக்கு கங்குலி எதிர்ப்புத் தெரிவிக்கவில்லை” என்றார். கடந்த இரண்டு வாரங்களுக்கு முன்பு மேற்கு வங்க ஆளுநர் தினகரை, சந்தித்து கங்குலி பேசினார். இதை மனதில் வைத்தே அசோக் பட்டாச்சார்யாஇதற்கு பதிலளித்து பேசிய பா.ஜ.க மேற்கு வங்க பாஜக தலைவர் திலிப் கோஷ் கூறுகையில், “சிலர் நோயுற்ற மனநிலையால், ஒவ்வொரு விஷயத்தையும் அரசியல் கண்ணோட்டத்தோடு பார்க்கிறார்கள். கங்குலி குணமடைய வேண்டும் என்பதுதான் லட்சக்கணக்கான ரசிகர்களின் வேண்டுதல்” என்றார்
