சென்னை போரூரை அடுத்துள்ள முகலிவாக்கம் குருசாமி நகர் பாரதியார் தெருவைச் சேர்ந்தவர் பொன்னுரங்கம் இவருடைய வயது 55. இவர் அந்த பகுதியில் கேபிள் டிவி வைத்து நடத்தி வந்துள்ளார். இந்த நிலையில் நேற்று மதியம் தன்னுடைய மகன் தானேஷ்வரனுடன் பழுதான கேபிள் டிவி வயர்களை சரிபார்க்க மோட்டார்சைக்கிளில் மதனந்தபுரம் மெயின் ரோட்டில் சென்று கொண்டிருக்கும் பொழுது ஆட்டோ மற்றும் பைக்கில் வந்த மர்ம கும்பல் அவர் வந்த மோட்டார் சைக்கிளை வழிமறித்து நிறுத்தியுள்ளது.
தொடர்ந்து ஆட்டோ மற்றும் மொபட்டில் இருந்து வந்து இறங்கிய 6 மர்ம நபர்கள் மறைத்து வைத்திருந்த அரிவாளால் பொன்னுரங்கத்தை நடுரோட்டில் சரமாரியாக வெட்டியுள்ளனர்.இதனைக் கண்டு அதிர்ச்சி அடைந்த அவருடைய மகன் அவர்களை தடுக்க முயன்ற போது அவருக்கும் கை மற்றும் காலில் காயம் ஏற்பட்டுள்ளது மேலும் அவரை கீழே தள்ளிவிட்டு பொன்னுரங்கத்தை சரமாரியாக வெட்டியுள்ளனர். இதில் ரத்தவெள்ளத்தில் அவர் பரிதாபமாக உயிரிழந்தார். இதனையடுத்து அந்த கும்பல் அங்கிருந்து தப்பிச் சென்றுள்ளது இந்த கொலைச் சம்பவத்தை கண்ட அந்த பகுதி மக்கள் பெரும் அதிர்ச்சியில் ஆழ்ந்துள்ளனர். இந்த கொலை சம்பவம் குறித்து மாங்காடு போலீசாருக்கு தகவல் தெரிவிக்கப்பட்டது. தகவலறிந்ததும் சம்பவ இடத்திற்கு விரைந்து வந்த ஒ உதவி கமிஷனர் அசோகன் மாங்காடு இன்ஸ்பெக்டர்கள் தியாகராஜன், சிட்டிபாபு ஆகியோர் காயமடைந்த அவரது மகனை மீட்டு அருகில் உள்ள தனியார் மருத்துவமனைக்கு சிகிச்சைக்கு அனுப்பி வைத்துள்ளனர்.
மேலும் கொலை செய்யப்பட்ட பொண்ணு ரங்கத்தின் உடலை மீட்டு கீழ்ப்பாக்கம் அரசு மருத்துவமனைக்கு பிரேத பரிசோதனைக்கு அனுப்பி வைத்தனர்.4 தனிப்படைகள் அமைத்து கொலையாளிகளை போலீசார் தற்போது தீவிரமாக தேடி வருகின்றனர். முதற்கட்டமாக நடத்தப்பட்ட விசாரணையில் ஏற்கனவே இருந்த நிலத் தகராறு காரணமாக கொலை நடந்துள்ளது தெரியவந்துள்ளது. சம்பவத்தன்று பொண்ணு ரங்கத்தின் செல்போனிற்கு மர்மநபர் ஒருவர் கொலை மிரட்டல் விடுத்ததும் அந்த நபரின் செல்போன் நம்பர் குறித்து மாங்காடு போலீஸிடம் பொன்னுரங்கம் ஏற்கனவே புகார் அளித்ததாகவும் தெரிய வருகிறது இந்த கொலை வழக்கு தொடர்பாக தற்போது குன்றத்தூர் போலீஸ் நிலையத்தில் 9 பேர் சரணடைந்துள்ளனர்
